رسوم..متنوعة..

[img]

[/img]

مسقط رأسي السعودية أصولي اردنية اقيم في الاراضي الاردنية ...
صحيح ماعشت في بلادي أرض أبوي وجدادي ..
صحيح ماشربيت من نهرها صحيح وصحيح وصحيح لكن بدمي بجري حبهااااا...
بيقولوا الولد طالع لأبوه وولاده الي ربوه ..
بيقولوا حب الوطن بعمره مابموت وولادنا بحموه من ظلم اليهود من كيد الظالم الحقود..
حتى واسمعت ستي بتقول لأمي إحنا تهجرنا من بلادنا يما بالقوة والحسرة عليها زتونا..
تآمروا يما وخدعونا أيوة ووصلونا لبلاد صحرا يما مافيها شربة هنية ولا لقمة طرية...
رضينا بهالواقع وحرمونا نرجع حتى وأخذو منا الهوية ..
ضحكوا بعقولنا وانطونا جنسية اردنية من أصولنا الفلسطينية..
قلنا نعيش بأمان ونذوق الصبر والرمان من أرض ما فلحنا فيها ولا يومية ؟؟
غرتنا أوضاعنا المأساوية وشردنا يما للأردنية لعمان الشرقية..
فرشولنا هالخيمات ومن هالحاويات لاقولنا التمرية..
وشكرنا ربنا وقلبنا بالدنية..
واربيتي انتي واخواتك بنفس البيئة الشعبية..
وتركنا بلادنا بلاد العز والشموخ أرضنا الفلسطينية ...
ورمينا كوشان الارض وسمونا لاجئ للاردنية ..
أعطونا كرت ابيض اسمه ممممممممممم بيقولوا اسمه كرت المؤن ..
هدا يما عشان يسكتونا ويشعرونا بحقنا في هذيك البلاد المنسية ..
بنوخد عن طريقه المعونه الشهرية ومنه بنتعالج من الامراض السنوية ..
ومابنقدر نرجع عبلادنا الا بثورة عربية ..
خلص يما انحكم علينا هالحال وما فينا نفك القيود الصهيونية ...
وهيك لازم نحكي لأولادنا بلاش يما نخسرهم بصراع فشل للحرية..
ردت امي بدمعتها الشجية : بكفينا يما ذل وعار بكفينا نجسد هالمؤامرة القهرية..
صحيح كبرنا وارضينا بالدنية بس لمتى واحنا بحال الفقرية؟
هذا ابني يما عاشق أرضه وبلاده عاشق طريق اجداده حيثأرلنا يما ونرجع بالنصر عكفوفه للقدس الابية..
رح ترجع أرضنا يما بإذن رب البرية..
سكتت ستي وضمرت دمعتها المأساوية ونادتني أنا حفيدها ابن الجهادية..
وقالتلي ياستي خيرات بلادنا مايننولها ضامر الحرية ..
احرثها ولاتبخلش فيها وزي مابتعطيها حتعطيك ياستي ..
حتعطيك ألوان ندية تغذيك للأبدية..
ياستي ماتقلقيش انا ابن عمر وصلاح الدين انا ابن الاسلام وعبدالله عزام..
ياستي ولاتبكيش انين انا موتي من اركان هالدين..
والله عنها أبد ماتخلى هيهات اقبللها الذلة...
ورح امضي بروحي عأكتافي ولو حمشي عاري حافي .
أبد ياستي ماتخلى عن هالقضية واعلنها ثورة عربية يانموت يانعيشك ياحرية ..
لاجلك بلادي بعت روحي لاجلك هدية....

طولت شوي عليكم لكنها بالمختصر المفييييييييد طبعا كتابتي ورسمي ..

ودمتم في أمان الله أحبتي الكرام...