بقلم: إبراهيم عبد السلام
اعلاميون كاذبون
اوعى تصدق ضحكوا عليك
قالوا دماغك بين رجليك
وانك غبى عمرك مابتفهم
نام ياحبيبى اسم الله عليك
سم بيمشى فى القنوات
بيسمم فى عقول ألوفات
وبيصنع اكبر ازمات
بكره يا صاحبى هتيجى عليك
قلبوا الحق وخلوه باطل
خلوا الصادق يصبح سافل
خلوا العالم يظهر جاهل
اوعى يا صاحبى يغموا عينيك
قالوا النور مبقاش له لزمة
غمض عينك شوف ف العتمة
أو خليك عايش فى الضلمة
شاطر يابنى برافو عليك
خلوا الظلم أساس العدل
خلوا الطيب يصبح ندل
خلوا الأعمى يشوف ويدل
اوعى يا صاحبى يغموا عينيك
اعلام فل اصحابه فلول
جايبين كام واحد شملول
يكدب يشتم كده على طول
ويقولك ده أنا قلبى عليك
الاعلام ده يا خلق رسالة
اعلام جد وناس رجالة
مش اعلام بيديره حثالة
لجل فلوسها تبيع معاليك
شعبنا فاهم يابن الايه
عارف راسه من رجليه
مش راح تبقى واصى عليه
كلنا بكره هنبقى عليك
شاهد الترجمة
الثلاثاء مايو 26, 2015 2:51 pm من طرف 
موضوع: اعلاميون كاذبون 
